Egibarrek 'herri' terminoa ez erabiltzea leporatu dio Patxi Lopezi

Joseba Egibar Gipuzkoako Buru Batzarreko buruak 'herri' kontzeptua baztertzea leporatu dio ''euskaldunen erabakitzeko eskubidea'' ezabatzeko.

Egibarrek Zegamako batzokiaren inaugurazio ekitaldian adierazi duenez, lehendakariak kargua hartu zuen momentutik 'biztanleria' terminoa erabili izan du 'herri' hitza baztertuz.

''Lopezek ez du sekula esango lehendakari gisa, euskal herriaren ordezkari dela haiek baitakite herriaz hitz egiteak herri guztiek autodeterminazioa aldarrikatzeko duten eskubidea onartzea suposatzen dela''.

Egibarren esanetan, egoera honen aurrean, bi urte barru izango diren udal hauteskundeetan erantzun ''zuzena eta demokratikoa''ematea beharrezkoa da.

Honen ustez, sozialistei ''erantzun irmoa'' ematea funtsezkoa da, ''azpijokoan aritu baitira euren benetako helburua ezkutatuz, hau da, koalizioa osatzea hemen boterea lortzeko''.