Eusko Legebiltzarrak Gasteizko eraikinaren kanpoaldean Espainiako bandera jarri behar duela agindu du gaur Auzitegi Gorenak. Igorritako sententzian, Espainiako bandera kanpoan "modu iraunkorrean" jarri behar duela eta eraikinaren barruan "lehentasunezko" toki batean kokatu beharko duela esan dio.

Gauzak horrela, Gorenak atzera bota du Legebiltzarrak EAEko Justizia Epaitegi Nagusiaren aurrean jarritako helegitea.

Legeak Espainiako bandera Estatuko Administrazio ezberdinetako eraikin guztietan jarri behar dutela gogoratu du.

Eusko Legebiltzarrak agindu hau oraindik ez duela jaso argitu du. Espainiako bandera harrera gelan ipinita badaukatela ere nabarmendu dute Legebiltzarretik.