Noticias

Azken asteetako ika-mikak ez zuen Rammstein musika talde alemaniarrak larunbat gauean Barakaldoko BEC-en emango duen kontzertua zikindu. Grammy-etan sari-proposamena eskuratu zuen ''Du hast'' abestia interpretatuko zuten bertan, baita urriaren 16an salgai atera zen disko berriaren abestiak ere. Larunbat arratsaldean, 17:00etatik 19:00ak arte, Bilboko FNAC-en izan ziren diskoak sinatzen. 700 lagun baino gehiago bildu ziren bertan, ilara luzeak sortuz.

Rammsteinen azken lana, ''Liebe ist Für Alle Da'' (''Maitasuna guztiona da''), Alemanian zentsuratu egin zuten pasa den astean, ''sadismoa eta sexu masokismoa erakusteagatik'', eta umeentzat eta gazteentzat ''kaltegarria'' izateagatik. Horren ondorioz, diskoaren argitalpena debekatu zuen Alemaniako Bulego Federalak. Hala ere, lehenengo single-arekin, ''Pussy'', europar musika-zerrendetan lehenengo postuak eskuratu du taldeak. Honen bideoklipa ere zentsuratu egin dute, edukin erotikoa duen salaketapean.

Larunbat gaueko kontzertuarekin agur esango dio Rammsteinek Estatutik egin duen musika birari: azaroaren 10ean Madrilen izan ziren eta 12an, Bartzelonan.