Bitxikeriak

Emakume batek 6 kiloko eta 65 zentimetroko haurtxoa erditu du Siberiako Kemerovo erregioan. Bertako Administrazio eta Osasun Saileko iturrien arabera, azken hogei urteotan jaio den haurtxorik handiena da.

"Haurtxoa 6 kilo eta 170 gramo lodi eta 65 zentimetro luze zen. Linov familiaren lehen umea da. Marinak, amak, 25 urte ditu eta etxeko-andrea da; Sergueik, aitak, 27 urte ditu eta negozio pribatu bat du", adierazi du erregioko administrazioko bozeramaile batek.

Ama eta jaioberria ondo daude, baina erditzea zesarea bidez gauzatu denez, amak ez du alta jasoko gutxienez hamar egun igaro arte, azaldu du Osasun Saileko arduradun batek.

Guiness Errekor liburuaren arabera, munduko haurtxorik handiena Italian jaio zen 1955ean eta 10,2 kilo pisatu zituen.

&' || 'nbsp;