Bitxikeriak

Poliziak 33 urteko gizonezko bat atxilotu du gaur goizean, Ceutako banku batetan lapurtzen saiatzeagatik. Antza, lapurra bankura sartu, dirua lapurtu eta, ihes egiten hasi denean, irristatu egin da, txankletak eramateagatik. Bertan zegoen bezero batek atxilotu du lapurra.

Haduko auzoan, Ceutan, izan da gertaera. Poliziak azaldu duenez, goizeko lehen orduan sartu da lapurra BBVAk bertan daukan bulego batetan.

Langile bati eskutik bilete sorta bat kendu dio lapurrak. Ihes egitera zihoala, irristatu eta lurrera jauzi da, txankletak janzten zituelako. Une horretan, bezero batek atxilotu egin du. Guztira, 53 aldiz atxilotu dute gizonezko hau, Poliziak azaldu duenez.