Bitxikeriak

Lanaren eginbeharretako bat ardoa edatea izateak arazoak sor ditzake. Italiako Poliziak gida-baimena kendu zion joan den astean apaiz bati, lau meza eman eta gero positibo eman baitzuen alkoholemia proban, tokiko hedabideek jakinarazi dutenez.

Agenteek Turin eta Milan herrien artean egin zuten kontrola.

Apaizak, 41 urteko boloniar batek, 0,8ko tasa eman zuen, eta herrialde hartako legeak 0,5 baimentzen du gehienez jota. Poliziek gida-baimena kendu zioten, eta bera, lagunei edo senideei deitu behar izan zien etxera itzultzeko.

Apaizak ziurtatu zuen abstemioa dela, baina egun horretan lau meza eman zituela. Hori dela eta, helegitea aurkeztu du isunaren aurka.