Bitxikeriak

''Lost'' telesaileko poster ofiziala aurkeztu du gaur ABC telebista kate estatubatuarrak. 2010ko urtarrilean estreinatuko dituzte kapitulu berriak. Gaur erakutsi duten argazkiak telesailaren amaiera argitzen lagun dezake.

Orotara, 27 pertsonai agertzen dira posterrean, amildegi baten ondoan. Protagonistekin batera, aurreko denboraldietan bizitza galdu duten pertsonaiak ere agertzen dira.

Lehenengo planoan hilda dauden Charlie, Boone, Shannon, Ana Lucia edo Mister Eko agertzen dira. Dena den, batzuk bigarren ilara batean agertzen dira.

Pertsonaia guztiak kamarari begira daude, John Locke izan ezik, atzeraka dagoena argazkiaren erdian. Jada, telesailaren jarraitzaileek amaiera nolakoa izango den inguruko teoriak aurrikusten ari dira.