Bitxikeriak

Espainiako herritarren %44ri ez zaio jaso dituzten Gabonetako opariak gustatu, E-bay Interneteko portalak egindako inkestaren arabera. Jendeak "ikusten duen aurreneko gauza" erosten duela dio txostenak, opari "bikaina" aurkitzeko esfortzurik egin gabe.

Hala ere, opariak gustuko ez dituztenen artean %58k etxean gordetzen dituzte. Izan ere, erdiak baino gehiagok aurpegi ona jarri, irri egin, eta gustuko izan duela esaten dio besteari. %8k oparia gustuko ez duela argi eta garbi esaten dio aurrekoari.

Bitartean, gainontzeko %40k opariak berriro saltzea pentsatzen dutela onartu dute inkestan. Izan ere, horietatik %10k saldu egingo dituztela erabaki du jadanik.

Lortzen duten diruarekin erabaki ezberdinak hartuko dituzte espainiarrek: %34k kopuru hori aurreztu egingo du; %32k gustuko duen zerbait erosiko du diru horrekin eta %14k Gabonetan erositakoa ordaintzeko erabiliko du.