Bitxikeriak

Bali Indonesiako uharte zaratatsuak Urte Berri hindua ospatzen du gaur. Egun honetan, biztanleek hitz egitea, jatea, argia piztea, bidaiatzea edo sexua praktikatzea debekatua dute.

"isiltasunak existentzia berri baten sorrera adierazten du eta lurrarekin harremanak hautsi ditugula esan nahi du", azaldu du Nyoman Sugi Lanus aditu hinduak.

Lotura horiek "Nyepi" garaian hautsi behar dira, hau da, urte berriaren bezperan, eta lau agindutan laburbiltzen dira: argirik ez piztea, lanik ez egitea, entretenimendurik edo plazerrik ez bilatzea eta ez bidaiatzea. Hala ere, gehiengoak abstentzioa, kastitatea eta mututasuna hautatzen ditu. Tradizioaren arabera, isiltasunarekin izpirituek gizakiek uhartea utzi dutela usteko dute eta alde egingo dute. Horrela, urte berria oparoa izango da.

Baliko jaien egutegiko egunik garrantzitsuenetakoaren arau horiek betetzeko, "pecalang" izeneko zaindari erlijioso talde bat kaleetatik ibiltzen da.