Bitxikeriak

Ingalaterra hegoaldeko udalerri batean takoi zorrozdun zapatak daramatzaten eta mozkortuta dauden emakumeen artean txankletak banatuko dira. Ekimen honen bultzatzaileak Devon eta Kornualles konderrietako polizia, Torbay udalerria, anbulantzia, suhiltzaile eta heziketa-autoritateak dira.

Ekimen honen helburua Gabonetako ospakizunetan emakumeek izaten dituzten lesioen kopurua murriztea da, normalean egun horietan gehiegi edaten delako. Horregatik, poliziek txankletak eramango dituzte eta kaletik sigi-saga egiten ikusten dituzten emakumeen eskura jarriko dituzte.

Txankletak alkohol gehiegi ez edatea gomendatzen duen mezu bat daramate eta herriko hainbat lekutan egongo dira eskuragarri.