Bitxikeriak

Vietnamgo gizon batek bederatzi urte daramatza haren emaztearen gorpuzkiekin lo egiten. Tamainu errealeko panpina baten barruan gordeta ditu horiek, bertako komunikabideek jakitera eman dutenez.

Le Vanek (57 urte) 2004an atera zituen hilobitik emaztearen hezurrak, hura hil eta urtebetera, eta, ordutik, horiekin egiten du lo, askotan euren zazpi seme-alabetakoren batekin ere, VietnamNet egunkariaren arabera.

Autoritateek emaztearen gorpuzkiak lurperatzeko esan zioten 2009an, lehenengo aldiz kasua prentsan argitaratu zutenean, baina ez dago hori egitera behartzen duen legerik.

Quang Namen bizi den gizonak hasieran emakumearen gorpuzkiekin egin zuen lo haren hilobian, baina seme-alabek gaua egoera horretan ez pasatzeko konbentzitu zuten.

Orduan, tamaina erreala zuen buztinezko panpina bat modelatzea pentsatu zuen, arropa jarri zion eta hildako emaztearen gorpuzkiak sartu zizkion barruan.

Le Vanek panpinarekin eta seme batekin haren etxe aurrean eta ohean etzanda ateratako argazkiak erakutsi ditu VietnamNeteko artikuluak.