Ekonomia

Espainiako langabeziak atzera egin du ekainean eta guztira 55.250 langabe gutxiago izan ditu (%-1,53). Gauzak horrela, Estatuan 3.564.889 langabe daude, gaur Lan Ministerioak jakinarazitako datuen arabera. Ekainean, EAEko langabezia tasak %2,23ko atzerakada izan du. Beraz, 116.098 langabe daude Euskadin. Nafarroan, berriz, %0,66ko jaitsiera izan du adierazle honek. Guztira, 37.581 langabe daude Nafarroan.

Hala ere, iazko ekainetik 1.174.465 langabe gehiago daude Espainian. Azken hamabi hilabeteetan, beraz, %49,1 gehitu da langabezia.

Langabezia tasa gehien murriztu duten alorrak hauek izan dira: Zerbitzuak (31.852 langile gehiago), Eraikuntza (16.367) eta Industria (10.634 langabe gutxiago). Bestalde, Nekazaritzan igo egin da lanik gabe dagoen pertsonen kopurua.

Datu hauen arabera, gizonezkoen artean %2,11 jaitsi da langabezia (38.427 lagun). Emakumezkoen artean, berriz, %0,04ko beherakada izan da ekainean, 16.823 langabe gutxiago. Hala ere, iazko ekaineko datuekin alderatuz, gizonezkoen artean %69,6 eta emakumezkoen artean %33,06 egin du gora langabeziak.

EAEko datuak

Langabezia %2,23 jaitsi da Euskal Autonomia Erkidegoan, maiatzeko datuekin alderatuz. Beraz, guztira 116.098 langabe daude Euskadin.

Iazko datuak ikusita, EAEko langabezia %46,96 igo egin da azken hamabi hilabeteetan.