Ekonomia

EAJk, PSEk eta H1k! Eusko Jaurlaritzako, aldundietako eta udaletako aurrekontuei egonkortasuna emateko ituna sinatu dute. Bakoitzak gobernatzen duen erakundeetan bermatuak egongo dira aurrekontuen onarpena, gaur sinatutako akordioaren arabera.

Gaur hiru alderdietako ordezkariak bildu dira Eusko Jaurlaritzan akordioa sinatzeko. PSEk eta PPk datorren urterako EAEko Aurrekontuak onartu eta hiru egun beranduago sinatu dute ituna.

Jose Antonio Pastor PSEko bozeramaileak, Belen Greaves EAJren EBBko idazkariak eta Martin Beramendi Hamaika Bateko (H1!) ordezkariak sinatu dute akordioa.

Akordioaren arabera, erakunde guztiek aurrekontuak onartuak izango dituzte. Horretarako, "aldeko jarrera erakutsiko dute edo ez dute oposiziorik egingo ". Hala ere, alderdi bakoitzaren proiektuaren arabera, hirurek sinatutako emendakinak aurkezten badituzte aurrekoa desegin dezakete.

Beraz, Eusko Jaurlaritzak, Arabako, Gipuzkoako eta Bizkaiko aldundiek eta Euskal Herriko udal garrantzitsuenek 2010eko aurrekontuak onartuak izango dituzte.