Ekonomia

Abiadura handiko trenaren Beasain Ekialdeko lanak gaur hasi dira. Trena Beazain eta Ordizia lotuko ditu eta 38 milioi euroko kostua izango duten lanak hiru urte barru amaituko dira.

Zati hau 2 kilometroko luzera izango du, gehiena lur azpitik, eta Usurbe eta Mariaratz ibaien gainetik bi zubi eraikiko dituzte, Iñaki Arriola, Garraio sailburuak adierazi duenez.

Ibilbide honek Beasain eta Ordizia lotuko ditu eta 2008 urtean Ordizia eta Itsasondo arteko 2,8 kilometrotako tunelaren lanen jarraipena izango da.

Iñaki Arriolak, Ernesto Gasco Garraio sailburuordeak eta Markel Olano foru aldun nagusiak tarte honetako lehen harria jarri dute gaur eta Ordiziako tuneleko lanak bisitatu dituzte.

Arriolaren hitzetan, Gipuzkoan abiadura handiko sarearen gastua kontrolatuko dute 2010ean; guztira, 225 milioi euroko inbertsioa egingo dute, "orain arte gastatutako baino askoz gehiago".

Gainera, Arriolaren aburuz, proiektu honek "Eusko Legebiltzarreko parlamentarien % 90eko laguntza dauka" eta "herriaren borondateari" erantzuten dio.