Ekonomia

Aurreko hilabetearekin alderatuta, kontsumitzaileen konfiantza 1,3 puntu igo da abuztuan, azken hiru hilabeteetan erakutsitako ildoari eutsiz. Igoera hori Espainiako ekonomiaren, etxeko ekonomiaren eta enpleguaren egoera neurtzeko erabiltzen den adierazlearen hobekuntzak eragin du, izan ere, 2008ko martxotik izan duen maila altuenean dago.

Kreditu Ofizialeko Institutuak (ICO) kaleratzen duen Kontsumitzailearen Konfiantzaren Indizearen (ICC) azken txostenean jasotako datuetako bat da hori: uztailean 73,6 puntu izatetik abuztuan 74,9 izatera igaro da.

ICOren arabera, egungo egoeraren hobekuntza bigarren hiruhilekoaren egoeraren adierazleekin bat dator, Barne Produktu Gordinaren, jarduera industrialaren, esportazioen eta langabeziaren datuekin, alegia.

Herritarren aurreikuspenei dagokienez, familia-ekonomiari lotutakoak egonkor mantendu dira, eta lan-merkatuari eta herrialdearen ekonomiari lotutakoek, ordea, behera egin dute.

ICOk 1.000 hiritarri egiten die inkesta Konfiantza Indizea garatzeko. Familia-ekonomiaren, espainiarraren eta enpleguaren egoera baloratzeko eskatzen diete, aurreko sei hilabeteetako egoera aintzat hartuta eta hurrengo sei hilabeteetarako aurreikuspenei begira.