Ekonomia

Metro Bilbaoko greba batzordeak esan du gaurko deitutako lau orduko lanuztearen jarraipena % 85ekoa izan dela. Enpresak, aldiz, % 25ekoa izan dela esan du.

Batzordearen esanetan, langileen % 90ek egin dute bat 07:30etik 09:30era egindako lehen lanuztearekin, % 30eko gutxieneko zerbitzuak izan ezik. Arratsaldean, 17:30etik 19:30era, % 85ean kokatu dute zenbateko hori.

Metro Bilbaoko zuzendaritzaren datuen arabera, aldiz, enpresako 740 langileetatik 186k bakarrik egin dute lanuztea (98 goizean, 78 arratsaldean, eta formazioan dauden 10 langile).

Hain justu, lanuzte hauek bat etorri dira denboran sindikatu abertzaleek sektore publikoan deitutako lau orduko grebarekin. Ondorioz, EuskoTren eta Renfen ere lanuzteak daude.

Metro Bilbaok hilaren 14an eta 16an eta martxoaren 1ean ere egingo du greba.