Ekonomia

Diru-sarrera txikiak eta kide guztiak langabezian dituzten familiek etxebizitza entregatuz kitatu ahal izango dute bankuarekin hartutako hipoteka-zorra, betiere haien etxebizitza nagusia bada, Luis de Guindos Ekonomia ministroak iragarri duenez.

De Guindosek Diputatuen Kongresuan egin du iragarpena, Izquierda Plural taldeak (IU-ICV-CHA) bankuen abusuei buruz egindako galdera bati erantzunda.

Sendi hauek gutxienez bi urtez geratu ahal izango dira etxebizitzan, eta neurria luzatu ahal izango da.

Horrela, diru-sarrera txikiak dituzten eta hipoteka ezin ordaindu dauden sendiek kaleratzea saihestea lortu nahi du Gobernuak.