Ekonomia

Forden Almussafeseko (Valentzia) fabrikak ez du "Fiesta" auto gehiago ekoiztuko datorren ostiraletik aurrera, 1976tik modelo horren 5 milioi ale saldu ostean.

"Fiesta", 'Forfi' izenaz ezagutzen dena, da Almussafesen gehien ekoiztu duten autoa, izan ere, fabrikaren historian ekoiztu diren autoen erdiak modelo horrenak ziren.

Ostiralean "Fiesta" ekoizteari utzi ondoren, fabrikak C-Maxen bi bertsio soilik egingo ditu, eta aurrerago Kuga eta Transit Connect ekoizten ere hasiko dira.

Kugari dagokionez, urteko azken hiruhilekoan hasiko dira ekoizten; eta Transit Connect, datorren urtean.

Enplegua erregulatzeko espedientea

Almussafeseko fabrikan 39 eguneko enplegu erregulaziorako espedientea dago martxan eta 6.200 langileetako 4.959ri eragingo die urria arte.

300 langileren kontratuak eten egingo dira "Fiesta" gehiago ez dela egingo argudiatuta.