Ekonomia

Espainiako Estatuko Koxka enpresako langileek onartu egin dute erreferendumean enpresako 275 langile kaleratzea ekarriko duen lan erregulaziorako txostena. Hala ere, Iruñeko lantegiak ezetz esan dio txostenari, izan ere, bertako 191 langilek utzi egin beharko dute enpresa.

275 kaleratzeetatik 230 Nafarroan izango dira, 191 Iruñean eta 39 Azkoienen. Gainerako 45 kaleratzeak Bartzelonan, Bilbon, Sevillan eta Madrilen izango dira.

Astelehenean, Koxkako Zuzendaritzaren eta Enpresa Batzordearen artean (Nafarroako Gobernuaren bitartekaritzarekin) izan zen bileran ez zen akordiorik lotu eta gaurko erreferenduma egitea erabaki zuten.

Erreferendumean, aldeko 310 boto jaso ditu txostenak, 251 kontrako boto eta 15 boto zuri. Hala, onartu egin dute txostena, nahiz eta Iruñeko lantegiak ezezko borobila eman (kontrako 263 boto, aldeko 163 eta 12 boto zuri).