Ekonomia

Eurotaldeak Espainiako Gobernuari 100.000 milioi eurokoa izan daitekeen erreskatearen eskaera ofiziala astelehenean egiteko eskatu dio. Eurotaldeak mailegua uztailaren 9an onartzea espero dute.

Europako Batzordeak Espainiako bankuen ebaluazioa datorren astean hasiko du bere analisi propioaren ostean Espainiako Gobernuak euroguneko beste estatuekin sinatu beharko duen memoranduma egiteko, jakinarazi du Olli Rehn Ekonomia Gaietako Europako komisarioak.

"Espainiako Gobernuak aurkeztutako bidai orriari ongietorria ematen diot, eta Eurotaldeak babesa eman diola azaltzen dut. Europako Batzordearen aurreikuspen lanak datorren astean hasiko dira, eskaera formala behin jaso ostean", esan du.

"Geroago berregituratzeari buruzko memorandum bat negoziatuko dugu eta Espainiako banku sektorearen birkapitalizazioa. Geure helburua Eurotaldeak uztailaren 9an erabaki bat hartzeko moduko egoera bat sortzea da", gaineratu du Rehnek.