Ekonomia

Merkatuetako presioa arintzeko, Finantza-Egonkortasunerako Europako Funtsak (FEEF) Espainiako eta Italiako zorra erosteari uko egin dio Wolfgang Schäuble Alemaniako Finantza ministroak.

Espainiako eta Italiako bonuen interesak murrizteko Europako Banku Zentrala lanean ari zela zabaldu da azken egunotan, baina Schäublek Europako Banku Zentralaren parte-hartzea ukatu du. "Espekulazio hauek ez dira benetakoak", azpimarratu du.

Espainiarako finantza-laguntza

"Epe laburrera, Espainiak ez du finantzazio behar handiak", adierazi du Schäublek. "Ordaindu behar dituen interes tasa altuak mingarriak dira, eta zalantza zabaldu dute, baina horrek ez du munduaren amaiera ekarriko", azpimarratu du.

"Badakit Espainiako zorraren interes altuek ekar dezaketen egoera sostenguezina, baina Espainiak 30.000 milioi euro osagarri izango ditu eskura, berehalako finantza-laguntza lortzeko", gogoratu du Alemaniako ministroak.

Halaber, Mariano Rajoyren azken murrizketen harira, "erabaki egokiak" izan direla esan du Schäublek. "Onurak ekarriko dituzte", adierazi du, "merkatuek ez badute neurri hauetan konfidantza, denbora eman beharko diegu, azkenean horrela izango baita".