Gizartea

Arabako Foru Aldundiak salaketa jarri du Gasteizko Auzitegiko Guardiako Epaitegian ''Iruña-Veleia'' kasuko arduradunen kontra, "Arabako ondare kulturalaren kontrako delitu zantzuak" daudela erabaki ostean.

Iazko azaroaren 19an Aldundiaren aginduz zenbait aditu egindako txostenaren arabera, aztarnategian aurkitutako zeramiketako (III, IV eta V mendeetakoak) grafito idatziak faltsuak dira.

Lorena Lopez Lacallek, Kultura diputatu foralak, bide penala erabiliko dutela adierazi du, Foru Aldundia "Arabako aztarnategi arkeologikoan jazotako guztiaren kaltetu zuzena" dela uste baitute.

Foru erakundeak ez ditu salatuen izenak eman jakitera eman nahi izan; "errespetua izan nahi dugu hasiko den prozedura honekin", argitu dute.

Arabako Foru Aldundiak, halaber, administrazio-espediente zigortzailea ireki du Lurmen enpresaren (aztarnategia induskatzearen arduraduna) kontra.

Zigor eta administrazio prozedurak gorabehera, Iruña-Veleiako aztarnategi arkeologikoak bisita eta lan zientifikoko programak egiten jarraituko du.

&' || 'nbsp;

&' || 'nbsp;