Gizartea

Gaur arrtsaldean hasi da Korrika Tuteran (Nafarroa) eta hamaika egun geroago eta 2.500 kilometro egin ondoren, apirilaren 5ean, amaituko da Gasteizen. Zazpi herrialdetako ehunka herritatik igaroko da Korrika.

Korrika antolatzen ari den taldeak, AEK-k, euskara ikasi eta gero transmisioa bermatu duten familiei zein euskara galdu eta berrikasiz transmisioa ahalbidetu duten guztiei omenaldi xumea egin nahi die. Baina aurtengo Korrikak berrikuntza bat dakar, omenaldi hori ez da kultur ikuskizun bat izango, ezpada edizio honetako omenduak protagonista gisa dauzkan dokumental baten estreinaldia; ''Bidaia intimoak'' du izenburua.

Ongi etorri lagun!!! kantuak jarriko du Korrika 16ren erritmoa. Betagarri taldeak osatu du abestia, Jon Maiaren hitzak ardatz gisa hartuta, Durangon gaur egindako aurkezpenean antolatzaileek jakinarazi dutenez. eta doinu bizia da eta talde gasteiztarraren ohiko erritmoak ditu oinarrian.

Ekimenaren 16. edizioa da eta euskaltegientzako dirua biltzeko helburua du, "euskararen alde indarrak batzeko", antolatzaileen hitzetan. 1980tik estreinatu zenetik "euskararen aldeko ekimenik garrantzitsuena bihurtu da, munduan antzekorik ez dago", antolatzaileek nabarmendu dutenez.

Horrela, testigua esku ezberdinek eramango dute Gasteizera heldu arte. Lehen tartean Alizia Iribarren euskaltegiko irakasleak eraman du eta ondoren Fontellaseko Argia ikastolako bi ikaslek hartu diote lekukoa. Lasterketa eguraldi onarekin hasi da ehunka lagunek babestuta.