Gizartea

Nagore Laffageren amak esan du ondo deritzola fiskalak gertakaria hilketatzat hartu izan eta ez homizidiotzat. Ildo horretan, hiltzaileak Ministerio Publikoak eskatutako 20 urteko espetxealdia osorik bete dezala exijitu du. Nagore Laffage joan den urteko sanferminetan hil zuten.

"Familiak epaiketa justua izatea baino ez du nahi, eta zigorra delituaren araberakoa izan dadila", azpimarratu du Asun Casarolak. "Argi daukat gizarte demokratiko batean hilketak ordaindu egiten direla, eta horregatik legeak esaten duena beteko dut, baina espetxealdia ez murriztea eta 20 urteko zigorra osorik betetzea nahiko nuke", erantsi du.

Era berean, bere alabaren hiltzailea gazte "hotza" eta "kalkulatzea" dela adierazi du, "zer egiten ari zen bazekiena".

Bestalde, hiltzailea behin-behineko espetxealdian "errege bat" bezala dela esan ostean, epaiketak "azkarrago" egin behar direla nabarmendu du, "errudunak hasieratik ordain dezan egindakoa".

Epaiketa

Oraindik ez dute argitu epaiketa noiz izango den, baina Casarolak esan du uda baino lehen izatea gustatuko litzaiokeela, familiak hau guztia atzean utzi nahi duelako. "Epaiketa luze hauekin biktimaren familia zigortzen da, oso gogorra baita", gaineratu du.

Hilketa honen kasuan justizia egiten bada, "gizarteari mezu argia igorriko zaio: emakumeen kontrako indarkeriak ez duela adinik, arrazarik, maila kulturalik, ezta estatus sozialik ere. Emakumeek ezetz esateko eskubidea dute, emakumeek indarkeriarik gabeko bizitza izateko eskubidea dute".

Nagore Laffageren familiak hasieratik eskatu du hiltzailearen datuak eta argazkiak zabaltzea. Gizarteak nor den jakitea nahi dute eta, horregatik, "epaiketaren egunean aurpegia ikus" zaiola eskatzen dute.

Manifestazioa eta esker on hitzak 

Beste alde batetik, Asun Casarolak iragarri du datorren larunbatean manifestazioa egingo dutela eguerdiko 12:00etan Iruñean "Nagorerentzat egia, justizia eta oroimena eskatzeko".

Horrez gain, justizia eskatzeko familiak sortu zuen blogean jasotako 60.000 sinadurengatik eta elkartasun keinuengatik eskerrak eman nahi izan ditu. "Keinu horiek aurrera jarraitzeko indarra ematen digute", azpimarratu du.

Azkenik, erakundeei eta komunikabideei neurriak hartzeko eskatu die, "gizartea konturatu dadin gauzak aldatu egin behar direla" eta Nagore Laffageren edota Marta del Castilloren moduko kasuak berriro ez gertatzeko.

Manifestazioa eta eske on hitzak

Beste alde batetik, Asun Casarolak iragarri du datorren larunbatean manifestazioa egingo dutela eguerdiko 12:00etan Iruñean "Nagorerentzat egia, justizia eta oroimena eskatzeko".

Horrez gain, justizia eskatzeko familiak sortu zuen blogean jasotako 60.000 sinadurengatik eta elkartasun keinuengatik eskerrak eman nahi izan ditu. "Keinu horiek aurrera jarraitzeko indarra ematen digute", azpimarratu du.

Azkenik, erakundeei eta komunikabideei neurriak hartzeko eskatu die, "gizartea konturatu dadin gauzak aldatu egin behar direla" eta Nagore Laffageren edota Marta del Castilloren moduko kasuak berriro ez gertatzeko.