Albisteak

Gizartea

Informa nazazu RSS

Gizartea

Dokumentazioa

Zer da A gripea?

Erredakzioa

2009/05/04

Gizakien artean ohiko gripeen moduan transmititzen da, hau da, eztul edo doministiku eginez, adibidez. Birusa ez da txerrien okela janez transmititzen. Oraingoz ez dago kezkatzeko arrazoirik Estatuan.

Zer da A gripea?

A gripea (txerri gripe, gripe berri edo AH1N1 izenez ere ezaguna) arnasteko zailtasunak sortzen dituen gaixotasun zorrotza da eta A motako birusak sortzen du. Txerrien artean heriotza-tasa oso txikia da eta eraginak 7-10 egun irauten du. Gaur egun birusaren hiru mota daude txerrietan: H1N1, H1N2 eta H3N2.


Nola transmititzen da gizakietara?

Txerritik gizakira animaliekin kontaktu zuzena izaten transmititzen da, baina gizakien artean ohiko gripeen modura. Hau da, pertsona batek doministiku edo eztul egiten duenean, batik bat. Batzuetan, birusa duen zerbait ukitu eta gero eskuarekin ahoa edo sudurra ukituz ere gerta daiteke.

Nolanahi ere, birusa ez da transmititzen txerrien okela janez.


Zeintzuk dira sintomak?

A gripearen sintomak gripe normalenen antzekoak dira: Sukarra, eztula, ondoeza,... Batzuetan gose falta eta sabelekoa ere.


Nola atzematen da A gripea gizakietan?

Birusa atzemateko lagin bat hartu behar da arnas aparatuan gaixotasunaren lehen 4 edo 5 egunetan. Ondoren, Espainiako Mikrobiologia Zentroan aztertzen dute.


Ohiko gripearen aurkako txertoak babesa ematen du gripe berriaren aurrean?

Ohiko gripearen aurkako txertoak birusaren hiru motaren aurrean ematen du babesa: A (H3N2), A (H1N1) eta B birusen aurrean, hain zuzen ere. Osasunaren Mundu Erakundeak (OME) baieztatu du ohiko txertoak ez duela babesa ematen gripe berriaren aurrean, eta txerto berria kalean egoteko urte erdi beharko dutela.


Ba al dago gaixotasunari aurre egiteko sendagairik?

Gizakien gripe berria tratatzeko ohiko gripearen aurka erabiltzen diren sendagai berdinak erabiltzen dira, oseltamivir eta zanamivir antibiralak, kasu. Hori bai, medikuak aginduta baino ez.


Lasai egon gaitezke?

Espainiako Gobernuak lasaitasuna zabaldu nahi izan du, prebentzio neurri guztiak abian baitaude. Ez dagoela kezkatzeko arrazoirik nabarmendu nahi izan du.


Gomendioak Mexikora eta AEBetara joan behar duten bidaiarientzat

1. Garbitasuna zorroztu eta eskuak maiz garbitu ur eta xaboiz.

2. Ez partekatu elikagaiak, edalontziak ezta koilara-sardexkarik.

3. Estali sudurra eta ahoa eztul edo doministiku egitea.

4. Zapia plastikozko poltsa batean gorde eta bota.

5. Ez ukitu begiak, sudurra eta ahora. Etxean geratu gaixotzen bazara eta edozein zalantza medikuari galdetu.

6. Garbitasuna zaindu.


Gomendioak Mexikotik eta AEBetatik bueltatzen direnentzat

1. Erreparatu zure osasun egoerari hurrengo 10 egunetan.

2. Tarte horretan sudurra, eztula edo arnasteko zailtasunak badituzu, joan medikuarenera.

3. Medikuari esaiozu noiz joan eta itzuli zinen.



webcam

Webcam Vitoria-Gasteiz

  • - Plaza del Castillo, Pamplona
  • Webcam Donostia-San Sebastián
  • Ap-68: Altube, hacia Zaragoza
  • N-1:  Olaberria, hacia Irun
  • N-1: Andoain, hacia Madrid
  • - Playa de Sopelana
  • - Playa de Zarautz 3
  • - Playa de la Concha 2 (Donostia-San Sebastián)
  • - Bahía de Gorliz
  • Webcam de Bilbao -Artxanda-
  • - Gorbea desde Vitoria-Gasteiz
  • - Ayuntamiento de Baiona
  • Bi-637: Corredor Uribe Kosta, zona Mimenaga
Publizitatea
 

Joera

  • Asteazkena 08

    • Eguraldia
    • joera
    • haizea
  • Osteguna 09

    • Eguraldia
    • joera
    • haizea
  • Ostirala 10

    • Eguraldia
    • joera
    • haizea
  • Larunbata 11

    • Eguraldia
    • joera
    • haizea
  • Igandea 12

    • Eguraldia
    • joera
    • haizea
  • Astelehena 13

    • Eguraldia
    • joera
    • haizea
 

Ikusiena



© EITB - 2012 - Lege Oharra

Eitb taldea - Kontaktua - Web mapa