Gizartea

Eurobask Mugimendu Europarreko Euskal Kontseiluak Jose Antonio Diez Alday kazetari, ekonomia aditu eta eitb.com-eko kolaboratzailea saritu du gaur, Europar Batasunari buruz lan bat egiteagatik. Golardoa emateko ekitaldia Gasteizen egin dute.

Kazetaritzako Eurobask I. Saria 2009 jaso du du Diez Aldayk Europako nortasuna eta egunerokotasuna zabaltzeagatik. Golardoak 3.000 euroko saria du.

Eurobask-ek Batzar Nagusia egin du eguerdian Arabako hiriburuan eta Arantza Quiroga Eusko Legebiltzarreko presidentea eta Miguel Angel Aguilar Europako Kazetarien Elkarteko idazkari nagusia gonbidatu ditu. Biak hitza hartu dute ekitaldian.

Diez Alday Europa defendatzeagatik zoriondu du Ganberako presidenteak, "hemen guztiak batzen gaituen izpiritua delako". Ekainean egingo diren Europako hauteskundeetan "parte-hartze baxua" izateko aukera dagoela onartu du Quirogak, baina horrek "ezin digu gogorik kendu".

&' || 'nbsp;