Gizartea

Guillermo Zubiaga New Yorken bizi den artista grafiko euskaldunarentzat euskal bale arrantzaleak garai heroiko baten sinbolo dira. "Western" generoaren antzera, bale arrantzaleek euskaldunen jatorriaren misterioari erantzuten diete, cowboy estatubatuarrekin, bikingo eskandinabiarrekin eta samurai japoniarrekin alderatu daitezke.

Horregatik, Guillermok euren oroimenaren sugarra piztuta mantendu nahi izan du euskaldunentzat "hainbat sinbolo garrantzitsuren artean beste bat gehiago jarriz". The Flying Whaleboat (Txalupa hegalaria) Joanes bale arrantzale euskaldunaren istorioak kontatzen dituen 3 komiki seriearen lehena izango da. "Nire ustez, euskal bale arrantzalearen irudiak eta Atlantikoaren beste aldean lortutako ekintza gogoangarriek alabantza heroikoak merezi dituzte", esan digu Guillermok eitb.com webguneari bakarrik egindako elkarrizketa batean.

"Ekidinezina da geure buruari galdetzea zer nolako poema epikoak idatziko lituzketen grekoerromatarrek beraien artean honelako ekintza gogoangarrien berri izango balukete", gaineratu du artista euskaldunak.

Unibertsitatean zegoenetik, Guillermok beti amestu du euskal gai bat sortzearekin, bereziki Ameriketako Estatu Batuetako merkatuarentzat. Lehendabizi, euskal mitologiaren laburpenean edo Orreagako batailaren gaiari berriro ekitea pentsatu zuen, baina azkenik, balearen euskal arrantzaren gaia hartzearen aldeko hautua egin zuen, Selma Huxleyk National Geographic aldizkariarentzat egindako artikulu bat aurkitu ostean.

Euskal marrazkilariari beti erakarri izan diote antzinako bale arrantzale zaharren elezaharrek; haien oroimena euskal kostaldeko herrietako armarri kontaezinetan ageri da. National Geographic aldizkariko artikuluak balearen arrantzan oinarritutako nobela grafiko baten ideiaren indarra sendotu zuen. Euskaldunak Ameriketara heldu izanaren aukera misteriotsua ere beste eragile osagarria izan zen.

Guillermok Joanesen izena erabaki zuen 1584ko Joanes de Echanizen testamentuan oinarrituta, Ipar Ameriketako historiaren inguruan idatzitako dokumenturik zaharrenetako bat. Era berean, Joanesen izena oso errepikatua zen beste dokumentu batzuetan; hala nola, Joanes D''Etxeberryren "Balearrantzaleen otoitzak" kantuetan edota Joanes Balaztena de Aita Barandiaran bale arrantzalearen istorioetan.

Star Warseko Han Solo eta "izenik gabeko gizona", Sergio Leoneren "spaghetti western" filmeetako batean Clint Eastwoodek antzeztuta, izan ziren bi antiheroien garapenerako inspirazio iturriak.

Hasiera batean, istorioaren narrazioa gutxi gorabehera 100 orrialdetakoa izan behar zen, baina Guillermok publiko estatubatuarrari egokitzea pentsatu eta 32 orrialdetako 3 pasarte egitea erabaki zuen. Gaur egun, The Flying Whaleboat argitaratzeko zorian dago eta artista euskalduna bigarren pasartea marrazten hasi da, The Island ofe the Whales (Baleen uhartea).

Eraginak

Edozer marrazteko askea izango balitz eta argitaratzeko baliabideak izango balitu, Guillermori Marvelentzako Lobeznoren inguruko istorio bat sortzea gustatuko litzaioke; izan ere, komiki estatubatuarren artean bere pertsonaiarik gogokoena da. "1936 eta 1937 bitartean, Espainiako Gerra Zibileko borrokalarien legez, atzerriko agente bat bezala. Burura datozkit nazioarteko brigada kanadarrak Euskadin, Euzko Gudarostearekin batera borrokatzen burdinazko ingurubidean, edota Gernikako bataloia askatzen Parisen", dio Guillermok.

Idazketaren eta marrazkigintzaren aldetik Zubiagaren eraginak askotarikoak dira eta baten bat ez aipatzeko beldur da. Hala ere, ausartu eta Neal Adams, Mike Mignola, Klaus Janson, Frank Miller, Bernie Wrighston, Pasqual Ferry, Carlos Pacheco, Joe Kubert, Adam Kubert, Jimmy Palmiotti, Adam Pollina, Alan Moore, Dave Cockrum, Scott Lobdell, Will Eisner, Goscinny, Uderzo, Stan Lee, Victor Mora, Francisco Darnís, Jordi Bernet, Horacio Altuna, Milo Manara, Richard Corben, John Byrne eta Walter Simonson aipatzen ditu. "Zerrendak jarraitu egiten du, asko eta asko daude talentuarekin eta", gaineratzen du Guillermok.

Euskal Ikasketa Zentroa

Komikia uztailaren 24an aurkeztuko dute Ameriketako Estatu Batuetako erakunde euskaldunek (NABO) urtero ospatzen duten bilera batean. Honaino heltzea ez da batere erraza izan. Izan ere, Guillermok kontaktu asko zituen komikien industrian bere jarduera profesionalagatik eta hasiera batean bere lanarentzako irteera erraz bat aurkituko zuela pentsatu zuen. Baina oker zegoen.

Komikien editore gehienek ez zuten interesik jarri honelako ezohiko gai batean. Baina honek ez zuen Guillermo geldiarazi. Urte beteko epea jarri zion bere buruari laguntza aurkitzeko, berak argitaratzea aintzakotzat hartu baino lehen.

Epea bukatu orduko, Joseba Etxarri, euskalkultura.com atariaren zuzendaria ezagutu zuen. Etxarrik Nevadako Unibertsitarearekin eta Euskal Ikasketa Zentroarekin jarri zuen kontaktuan urteroko NABO bileran parte hartu eta bere lana euskaldun-estatubatuarren arteko kontzientziaren ikuspuntu berri bezala aurkeztu zenzan.