Gizartea

Atzo arratsaldean, Jaione Galarragak zuzentzen duen VascosMexiko mezu elektronikoen zerrendaren bidez, Jose Maria Basagoitiren heriotzaren berri jakin genuen. Euskaldun eta mexikar ospetsua, abokatua eta enpresaburua, euskal kulturaren eta euskal oinordetzaren sustatzailea izan zen Mexikon.

Basagoiti Getxon jaio zen, baina Mexikon bizi izan zen urte askoan. Herrialde horretara aitona joan zen lehenago, Antonio Basagoiti, ehungintza, meatzaritza, trenbide eta burdingintza enpresaburu ospetsua eta Mexikoko Banku Nazionaleko zein Hispanoamerikako Bankuko bankaria.

Euskalkultura.com webgunean diotenez, Jose Maria Basagoiti Zuzenbidean eta Filosofia eta Letretan graduatu zen Madrilen. Ekonomiaren eta enpresa munduaren alde egiteaz gain, Mexikoko euskal komunitatearekin zerikuzia zuten hainbat ekimen ere bultzatu zituen Basagoitik; Colegio de las Vizcainas-en nagusia izan zen, Mexikoko Euskalerriaren Adiskideen Elkarteko presidentea eta Nevadako Unibertsitateko Euskal Ikasketen Zentroaren Aholku Kontseiluko kidea.

&' || 'nbsp;