Gizartea

A-8 autobidean istripu bat izan du kamioi batek Bilbo parean, Balmasedako irteeratik gertu, eta errepideko erreiak ixtera behartu du, Kantabriako noranzkoan. Ezbeharrak "auto-ilara handiak" sortu ditu Bizkaiko hiriburuan eta Basaurin, Herrizaingo Sailak jakitera eman duenez.

Istripuan ez da zauriturik izan eta 12:50 aldera jazo da. 13:45era arte errepideko hiru errei ixtera behartu du ezbeharrak, orduan zabaldu baitute erreietako bat.

15:50ean errei guztiak ireki dituzte eta auto-ilarak desagertzen joan dira.

Kamioiak zamaren (garagardo barrilak) zati bat galdu du eta zenbait ibilgailuk horien kontra talka egin dute.

Bestalde, 08:00ak aldera 21 urteko gazte bat zauritu da, bere furgonetak kamioi baten kontra talka egin ostean. Ezbeharra N-634 errepidean gertatu da eta furgoneta irauli egin da, Durangoko noranzkoan, Zornotza parean (Bizkaia).

&' || 'nbsp;