Gizartea

Bilboko metroaren Bigarren Lineako Peñotako eta Santurtziko geltokiak inauguratu dituzte. Patxi Lopez lehendakaria bertan izan da. Bi geltoki hauekin 1.699 metro luzatu da Bilboko metroaren ibilbidea eta 57.000 laguni zerbitzua emango die.

Hiru urte eta erdiko iraupena izan dute lanek eta arratsaldeko lehen orduanerabiltzaileak erabiltzen hasi dira , inauguarazio ekitaldi ofizialak behin amaituta.

Bi geltokiak martxan jartzearekin batera Kabiezesko auzora heldu den anezka ere funtzionamenduan izango da. Autobus batek lotuko ditu Santurtziko geltokia eta Antonio Alzaga plaza. Bi geltoki hauek egiteko 88 milioi euroko inbertsioa beharrezkoa izan da eta horretan Eusko Jaurlaritzak eta Bizkaiko Foru Aldundiak, Bizkaiko Garraio Partzuergoaren bidez, parte hartu dute.

Santurtzikoa eta Peñotakoa Norman Fosterrek 1 Linearako diseinatutako geltokiak bezalakoak dira. Peñotako geltokiak hiru sarbide ditu eta Santurtzikoak lau.