Gizartea

"Sute hasiera" izan zen atzo Garoñako zentral nuklearreko transformadore batetan, Nucleor enpresak azaldutakoaren arabera. Iturri berdinak nabarmendu zuenez, sua "berehala itzali zuten" eta zentralak ez zuen arazorik izan normaltasunez lan egiteko. Hala ere, Greenpeacek gertaera salatu eta zentralaren segurtasun falta salatu zuen.

Nuclenorrek esan zuenez, gertaera eguerdiko 12:07etan izan zen, argindar sarearekin lotzen duen linea bateko transformadore batetan.

Ezbeharraren ondorioz, zarata handia egon zen, baita sute hasiera ere. Suteen kontrako zerbitzuak berehala amatatu zuen sua.

Garoñak normaltasunez lan egin ahal izan zuela nabarmendu du Nuclenorrek. Orain, transformadorea konpontzen ari dira, iturrien arabera.