Gizartea

Astelehen honetan indarrean sartzen da itsasontziek gerra materiala eramatea baimentzen duen dekretua, Pilar Unzalu Eusko Jaurlaritzaren Arrantza sailburuak Somaliako piratek Bermeoko Alakrana atunontzia bahitu zutela jakinarazi zuenetik hilabete bat betetzen denean.

Atunontzia bahitu zutenean nazioarteko uretan arrantzan zegoen ontzi bermearra, 2009an Europar Batasunak piraten erasoak ekiditeko xedez, finkatu zuen segurtasun eremutik kanpo.

Canarias fragatak Alakranaren bahiketan pate hartu zuten bi pirata atxilotu zituen eta Baltasar Garzon Auzitegi Nazionalaren epaileak prozedura judizial bat martxan jarri zuen, bahiketa eta terrorismo delituak leporatuta.

Erasoen gorakada

Azken hilabetetan gora egin dute ozeano Barean gertatutako erasoek. Horregatik, atunontziak segurtasun neurriak indartzea pentsatzen hasi ziren, ontzietan armak daramaten pertsona kalifikatuak atunontzietan joanda.

Izan ere, Albacora enpresako Iria Flavia ontziak eraso bat pairatu zuen joan den ostiralean, baina ihes egitea lortu zuten. Hurrengo egunean, beste ontzi batek, Bermeoko Artza-k, eraso bat pairatu zuen, baina atunontziko segurtasun pribatuari esker, piraten norabidean tiro batzuk jaurti eta erasotzaileek etsi egin zuten.

Nekatuta

Bahitutako marinelen senideak atsekabeturik daude hainbeste egunetan ezer jakin gabe. Alakranako patroiaren arrebak adierazi duenez, "oso nekatuta" daude eta ez diote inori desiratzen. "Indargabeturik gaude, egun asko direlako. Oso nekatuta gaude. Egun guztiak berdinak dira, batzuk hobeak, besteak txarragoak, baina azken finean guztiak txarrak", aitortu du.

Negoziaketei buruz, ontziko patroiaren arrebak ezer ez dakiela adierazi du, "haiek daramate hori" gehituz, baina nork daraman zehaztu gabe.