Gizartea

Amnistia Internazionalak Barne Ministerioari eskatu dio Espainiako segurtasun indarren aurka jarritako polizia tortura salaketak organismo independente batek aztertzea. Inbestigazioak hasteko gaitasuna duen organismo bat eta, horrek, kasua zuzenean fiskaltzari pasa ahal izatea. Horrez gain, erakunde horrek giza eskubideen aurkako erasoei aurre egiteko baliabideak eta gaitasuna izatea eskatu dute.

Espainia: Gatza zaurian. Zigorgabetasun poliziala bi urte beranduago, hori da Esteban Beltran erakundearen Espainiako zuzendariak gaur aurkeztu duen txostena. Lanak duela bi urte jakitera eman zituzten kasuetan izan den "inbestigazio falta" errepasatzen du eta Espainian torturaren eta tratu txarren aurka egin diren berrikuntzak azaltzen ditu.

Beltranek azpimarratu du inbestigazioa torturarengatik eta tratu txarrengatik jarri beharreko zigorra "ia guztizko zigorgabetasunak ihes egiten duen zulo beltza bat" izaten jarraitzen duela. Horiek, zuzendariak adierazi duenez, egitura hutsune "kezkagarrien eta onartu gabekoen" ondorioa dira, baita ikertzeko borondate faltarenak ere, "batez ere", gertatzen den "artxibatze maila altuan".
Horregatik, Beltranek gaineratu du tratu txarrak jaso dituztenek eta torturatuak izan direnek oraindik "bide luzea" ibili behar dutela, baina azken urteetan eman diren "pausu txiki horiek oso ondo jaso" dituela erakundeak.

Bestalde, Beltranek adierazi du datorren azaroaren 12an Nazio Batuen Torturaren Aurkako Komitea izango dela. Bertan, Espainiako kasua aztertuko dute. Zentzu horretan, Espainiak alor honetan "egoera kezkagarri bat" bizi duen bitartean, Beltranek Erresuma Batuko eta Holandako kasuak azpimarratu ditu.