Gizartea

Bikote bat atxilotu zuen Donostiako Polizia Nazionalak Zumarragan (Gipuzkoa), iragan astean. Material informatiko pornografikoa atzeman zieten eta adingabeen usteltze ustezko delitu bat leporatu.

Komunikatu batean Espainiako Gobernuak EAEn duen Ordezkaritzak jakinarazi duenez, Badajozeko Poliziak emandako abisu baten ostean hasi zituzten ikerketak. Haur-pornografia sare bat ikertzen ari zen Badajozeko Polizia eta inplikatuetako bat Zumarragan bizi zela jakin zuen.

Polizia Nazionaleko agenteek 32 urteko M.B.S. eta 28 urteko D.G.A., haren emaztea, identifikatu eta atxilotu zituen iragan ostegunean, etxebizitza miatu eta material informatikoa atzeman ostean.

Senar-emazteen etxebizitzan haur-pornografia irudiekin betetako bi disko gogor eta 138 euskarri informatiko aurkitu zituzten. Atxilotuak epailearen eskuetan utzi zituzten.