Gizartea

Abdu Willy pirata somaliarra Madrileko Alcala-Meco kartzelako gazteen modulura itzuli da, hamalau egunetan adin gabekoen zentro batean izan ostean. Audientzia Nazionaleko Santiago Pedraz epaileak Alakrana euskal ontziaren bahiketan parte hartzeagatik susmagarria den gazteari eta, eskakizun fiskalari jarraiki, behin-betiko kartzelaratzea agindu du.

Pedraz epaileak Baltasar Garzon epaileak joan den urriaren 13an leporatutako delitu beraz egotzi dizkio. Horrela, Abdu Willyri 36 legez kanpoko atxiloketa, bortxaz egindako lapurreta eta armak erabiltzea dira epaileak leporatzen dizkion delituak.

Adina zehazteko ikerketen ostean, hamabost egun izan dira, Pedrazen erabakiak Jose Luis Castro adin gabekoen epailearen eta joan den astelehenean erabakia Pedrazen esku utzi zuen Audientzia Nazionalaren Lehenengo Epaitegiaren arteko konpetentzien gatazkari amaiera eman dio.