Gizartea

Mozkortuta, kontrako noranzkoan eta gidabaimenik gabe gidatzen ari zen gizonezkoa atxilotu du Ertzaintzak goizaldean Donostian. Herrizaingo Sailak jakinarazi duenez, ebazpen judizial baten ondorioz kendu zioten gidatzeko baimena.

Goizaldeko 02:00ak baino apur bat lehenago, kalez jantzitako ertzain batzuk ohartu dira BMW batek debekatutako bira bat eman duela Nafarroa etorbidean eta zati bat noranzko kontrakoan egin duela. Gainera, zenbait unetan sigi-saga eginez joan da, zebrabide baten geratu den arte.

Orduan agenteek alkoholemia-froga egin diote eta edanda zegoela egiaztatu dute. Gidabaimena erretiratuta zuela ohartu direnean atxilotu egin dute 59 urteko gizona.