Gizartea

Ertzaintzak, Suhiltzaileek eta Itsasoko laguntzak osatutako bilaketa talde bat Bilboko Itsasadarra arakatzeari utzi egin dio, igande honetan goizean jarraitzeko asmoarekin. Ostiral gauean gazte batek uretara salto egin zuen Poliziarengandik ihesean, ustez, lapurreta bat egin ostean.

Gaueko 02:15 aldera, bi gaztek laban batekin pertsona bati lapurtu egin diote Bizkaiko kapitaleko Don Diego Lopez de Haroko Kale Nagusian.

Agente batzuek bi susmagarri aurkitu dituzte Euskalduna Jauregiaren atzealdean, eta haietako batek, Poliziak inguratu duenean, Bilboko Itsasadarrera salto egin du eta ez da uretatik irten.

Biboko Suhiltzaileen Gorputzeko urpekari batzuk Itsasadarra aztertzen ibili dira 05:00ak arte, baina ez dute ezer aurkitu.

Gaur goizeko 08:00etan bilaketa lanekin hasi dira berriro, baina eguraldi txarrak eta Itsasadarretik igarotzen den uraren abiadura handiak bilaketa oztopatu ditu.