Gizartea

Nagore Laffage, jatorriz irundarra, 2008ko uztailaren 7an hil egin zuten Iruñeko etxebizitza batean eta hiltzaileak gorpua Orondritzera (Erroibar) eraman zuen bertan ezkutatzeko. Poliziak egun berean aurkitu zuen Nagoreren gorpua.

Ikerketaren arabera, ustezko hiltzaileak Iturrama auzoko etxe batetan Laffage ito egin zuen. Ondoren, gorpua Oianburun lurperatu zuen. Herriko bizilagun batek bide baten bazterrean aurkitu zuen gorpua, Urrotz-Erro errepidetik 200 bat metrora.

Ordu batzuk geroago, Foruzaingoak 27 urteko Jose Diego Yllanes iruindarra atxilotu zuen, gaztea hiltzea leporatuta. Mediku egoiliarra da Nafarroako hiriburuko zentro psikiatriko batean.

Jose Diego Yllanes 27 urteko iruindarrak Nagore Laffage gaztea berak hil zuela berehala onartu zuen eta Aoizko epaileak atxilotua bermerik gabe espetxeratzeko agindua eman zuen jarraian.

Bai poliziaren aurrean, baita epailearen aurrean ere, hilketaren egilea bera zela aitortu zuen. Behin-behineko espetxeratzearen bidez auzipetuak "ihes egitea" saihesten dela dio Fiskaltzak eta arrisku hori "handia" dela era badela dio

Era berean, biktima aurretik ezagutzen ez zuela adierazi zuen. Poliziaren ikerketaren arabera, Laffage eta Jose Diego Yllanesek ez zuten elkar ezagutzen hilketa izan aurretik. Izan ere, haien arteko kontakturik, deirik edota SMS eta posta elektronikorik ez dute aurkitu.

Eduardo Ruiz de Erentxun iruindarra da Yllanesek abokatua.

Yllanes-en deklarazioa

"Ez nuen egin nahi, baina hil nuen", adierazi zuen Jose Diego Yllanes Nagore Laffageren ustezko hiltzaileak epaiketan. Era berean, biktimaren gainean "lepoa estutzen" egon izana gogoratzen zuela gaineratu zuen Yllanesek, eta gaztea hilda utzi zuela. "Ondorio bat dagoela onartu eta horregatik ordaindu behar dut", esan zuen.

"Barkatu, Nagore. Barka nazala haren familiak. Barka nazala nire familiak eta gizarteak. Nire burua iraindu dut, jendeari laguntzeko prestatu naiz eta. Barkamena eskatzen dut eta zuen (herri epaimahaiaren) esku geratzen naiz eta Nagoreren familiaren aurrean belaunikatzen naiz", adierazi zuen Jose Diego Yllanes epaiketan.

Epaiketa

Defentsak Yllanesentzat zazpi urteko espetxealdia eskatu du homizidio delitua egiteagatik, baina zigorra arinduta, alkoholaren eraginpean hil zuela argudiatuta. Familiak, berriz, 20 urteko kartzela-zigorra galdegiten du.

Nafarroako Auzitegi Nagusiko fiskalak 17 urte eta erdiko zigorra eskatu du gazte irundarraren hiltzailearentzat. Hasiera batean 20 urteko zigorra galdegin zuen, baina azkenean eskaera hori murriztu du, Yllanesen familiak 126.000 euroko kalte-ordainak eman dizkiolako biktimaren familiari.

Horrez gain, 120.000 euroko kalte-ordaina eskatudu fiskalak guraso bakoitzarentzat eta 80.000 euro Laffageren nebarentzat. Gorpuen profanazio delitua ez da aurrera atera.

Fiskalaren azken ondorioak

Fiskalarenhitzetan, Yllanesek "nahita" hil zuen "guztiz defentsarik gabe" zegoen Nagore Laffage. Bere ustez, "egoeraren jabe izanda" hil zuen neska eta alkoholaren eraginik gabe.

Nagore Laffageri autopsia egin dioten auzitegi-medikuek baieztatu dute heriotza bortitza izan zela argi dutela eta biktima, dirudienez, esku bakar batekin ito egin zutela.

Auzitegi-medikuek heriotza 07:00ak eta 11:00ak birtatean gertatu zela zehaztu dute eta, horrez gain, gaztearen lepoan biktimarekin bat ez zetorren material genetikoa topatu zutela azpimarratu dute, zehazki, gizonezko batena, gainera.

Saioan defentsaren hainbat testiguk ere deklaratu dute, horien artean Yllanesen bikotekide batek. Horrek akusatuari buruz "pertsona lasaia eta konfidantza ematen duena" dela esan du.

Epaimahaia

Bederatzi herritarrek, sei emakume eta hiru gizon, osatu dute akusatua epaitu duen epaimahaia.