Gizartea

Barne Saileko Genero Indarkeriaren biktimen arretarako Zuzendaritzaren zuzendariak, Mariola Serranok, Laffage auziaren epaileen erabakia deitoratu du. Izan ere, atzo Jose Diego Yllanesi homizidioa egotzi zioten, baina ez hilketa.

Serranok adierazi duenez, ez du "inola ere ez" epaileen erabakia, ezta Justizia ere ez, zalantzan jartzen.

Nagore Laffageren senideei "elkartasuna eta laguntasuna" erakutsi ostean, epaileen erabakia dela eta "kexkatuta" dagoela esan du Serranok, "balore sexisten trantsizio bat bezala ulertu daitekeelako".

"Kexkatu egiten zaigu pentsatzeak, egoera jakin batzuetan, emakumeen kontrako indarkeria justifikatzea", adierazi du.