Gizartea

Urriaren 2an Alakrana atunontzi bermearra bahitu zuten piratak tripulazioko kideak askatu dituzte, Jose Luis Rodriguez Zapatero Gobernuko presidenteak prentsaurreko batean baieztatu duenez.&' || 'nbsp;

Era berean, Zapaterok esan du arrantzaleak "egoera onean" aurkitzen direla eta dagoeneko ur seguruagoetara bidean direla.

Konfirmazioa ontziaren askatzea aurreratzen zuten informazioz eta askatzea "hurbil" zegoela esaten zuten beste albiste batzuetaz betetako goiz baten ostean iritsi da.

Ricardo Blach Alakranaren patroiak eguneko lehen orduetan baieztatu du tripulatzaileak "bi egun baino lehen" askatuko zituztela uste zuela, baina hortik gutxira, komunikazio berri batean, bahiketaren amaiera adieraziko zien deiaren zain zeudela azaldu du. Askatzea ordu gutxiko kontua zela zirudien.

Ordubete beranduago, pirata batek atun-ontzia "gaur bertan" askatzeko asmoa zutela adierazi dio Reuters agentziari, izan ere, Espainiako Gobernuak 2,3 milioi euroko erreskatea ordaintzeko konpromisoa hartu du.

Eguerdi inguruan, piratak ''Alakrana''ko arrantzaleak askatzen ari zirela zabaldu du Reuters albiste-agentziak. Baieztapen ofiziala, baina, 14:25ean iritsi da, Zapatero presidenteak Moncloa Jauregian egin duen agerraldian.

Oztopo nagusia, gainditua

Azken asteetan, atun-ontzia askatzeko izan den oztopo nagusia Audientzia Nazionalak Ejertzito espainiarrak atxilotutako bi bahitzaileak kartzelaratzea izan da. Hala ere, Santiago Pedraz Audientzia Nazionaleko epaileak prozesu judiziala azkartu zuen atzo eta piratak Somaliara eramateko bidea erraztu zuen.

Alakrana duela 47 egun bahitu zuten pirata somaliarrek Indiako Ozeanoko nazioarteko uretan arrantzan zebilenean, beste bahiketa batetatik ihes egin eta hilabete batera, hain zuzen ere.

Azken asteotan, Espainiako Armadak atxilotu zituen eta orain kartzelan dauden bi pirata somaliarren egoera zen atunontzia askatzeko oztopo nagusia. Dena dela, Santiago Pedraz Auzitegi Nazionaleko epaileak prozesu judiziala azkartu zuen atzo eta bi itsas-lapurrak Somaliara bidaltzeko bidea ireki zuen.

Euskal atunontzia duela 47 egun bahitu zuten pirata somaliarrek Indiako Ozeanoan, nazioarteko uretan. Hilabete lehenago bahiketa saiakera bat saihestea lortu zuten.

Pedrazek bi piraten kontrako sumarioa bukatu du

Santiago Pedraz Auzitegi Nazionaleko epaileak gaur amaitu du Alakrana-ren bahiketan parte hartu zutela leporatuta kartzelatutako bi piraten kontrako sumarioa eta zigor aretora bidali du. Epaiketa bi aste barru izan liteke, iturri juridikoen arabera.

Abdu Willyk eta Raageggese Adji Hamanek gaur goizean jaso dute haien kontrako prozeduraren berri, hala ere, ukatu egin dituzte akusazio guztiak.

Hala ere, Pedrazek irekita mantenduko du euskal atunontziaren bahiketa kasua, eta Euskal Herrira eta Galiziara joan liteke (marinelen jaioterrietara) izapideak helaraztera.