Santiago Pedraz epaileak aparteko pieza bat irekiko du Alakranaren inguruan sortu den "arlo juridiko eta finantzetako azpilana" aztertzeko. Gauzak horrela, "komisiodunak" eta erreskatea negoziatu zuten abokatuen bulegoak identifikatu nahi ditu Auzitegi Nazionaleko epaileak.

Iturri juridikoek adierazi dutenez, Pedraz epaileak Fiskaltzak egin dion eskaera batengatik hartu du erabakia. Bada, datorren astean Pedraz Gernika eta Vigora joango da Alakranako 16 tripulatzaile euskaldun eta galiziarrei galdeketa egiteko.

Pedrazek, baina, gaur ireki duen aparteko pieza horretan ez du erabaki inolako diligentziarik irekitzea atzo Jesus Alonso fiskalak ez baitzuen inolako diligentziarik zabaltzeko zehaztu.

Eskaera hau, Alakranaren askapenarengatik 2,3 eta 2,7 milioi euro bitarteko erreskatea ordaindu dela jakin ostean egin du Fiskaltzak.

Britainia Handian ez da delitua erreskateak ordaintzea, baina Espainian bai. Hori dela eta, baliteke,&' || 'nbsp; Ministerio Publikoak Londreseko abokatuen-langelak 36 bahiketaren konplize edota laguntzailetzat akusatzea.