Gizartea

''Alakrana'' atunontziaren arrantzaleak Loiuko aireportuan adierazpenak egin dituzte harrera oso "hunkigarria" izan dela azaltzeko. "Azkenean lortu dugu!", adierazi du Argi Galbarrituk, atunontziaren kapitainaren arrebak.

Adierazpen hauek Loiuko aireportuan egin dituzte, arrantzaleak Madriletik Bilbora zekarren hegazkinak lurreratu duenean, goizeko 10:30ak aldera. Arrantzaleen senideak izan dira hedabideen aurrean agertu direnak.

Argi Galbarrituk eta Maria Angeles Jimenezek, Gaizka Iturbe arrantzalearean emazteak, azaldu dutenez, arrantzaleak etxerako bidean daude, medikuek lasai egotea gomendatu dietelako. Horregatik hedabideen aurrean adierazpenik ez egitea erabaki dute. "Oso nekatuta eta urduri daude", gaineratu dute.

Baliteke, arrantzaleak datorren asteartean adierazpenak egitea, egun horretan Santiago Pedraz Auzitegi Gorenaren epailearen aurrean agertu behar direlako.

Argi Galbarriatuk, atunontziaren kapitainaren arrebak, adierazi duenez arrantzaleak oso pozik daude, baina oso nekatuta eta batzuk fisikoki eta emozio-egoera makala dute.
.
Halaber, harrera oso "hunkigarria" izan dela eta momentuz ez dela Bermeon ekintza berezirik egingo adierazi dute. "Edozertarako denbora egongo da", azpimarratu du Galbarriatuk.