Gizartea

Gaur arratsaldean Alakrana Indiako Ozeanora itzuli da, Somaliako kostaldean, Radio Euskadik jakinarazi duenez.

Segurtasun agenteekin eta tripulatzaile berriekin itsasoratu da ontzia. Guztira 36 arrantzale doaz ontzian; horietatik lau euskaldunak dira.

Puerto Victorian armak ontziratu eta egokitu ostean itsasoratu da Alakrana berriro ere.

Gaur Gernikan Santiago Pedraz Auzitegi Nagusiko epailearen aurrean deklaratu dute zortzi arrantzale euskaldunak. "Txakurrak bagina tratatu gintuzten, animalia hutsak dira", esan diote epaileari. Era berean, Gobernuaren jokabidea gaitzetsi dute: "Argazkia egiteko besterik ez zeuden".