Gizartea

19 urteko mutil gazte bat hil da gaur goizean Iruñean, ibilgailu batek harrapatuta. Istripua Oberenako biribilgunean jazo da, 07:00ak inguruan. Udaltzaingoak ikerketa bat jarri du abian, istripua nola gertatu den argitzeko.

Udaltzaingoak azaldu duenez, badirudi gazteak errepidea zebrabidetik kanpo gurutzatu duenean gertatu dela istripua. Autoren gidaria 20 urteko mutil bat da; alkoholemia froga egin diote eta emaitzak negatibo eman du.

Bestalde, 19 urteko neska bat Bideko Ama Birjinaren Ospitalera eraman dute auto batek harrapatu ostean. Hainbat kolpe hartu ditu, baina bere egoera ez omen da larria.

Istripua 06:46 inguruan gertatu da, Aitzoaingo (Berriobeiti) Iruregaña industrialdean dagoen diskoteka baten kanpoaldean.