Gizartea

Aire-girotua gaizki erabiltzea udako katarroen % 50 eragiten du eta hilabete hauetako laneko bajen erdia ere bai. Madrileko Pneumologia eta Toraxeko Kirurgia Elkartearen (Neumomadrid) arabera, jabeen % 20ak dioenez, bere erabilerari esker arnasketa arazoak izan dituzte, gehienak katarroak (% 32), eztarriko minak (% 27) eta hotzeriak (% 11).

Tresna hauek osasunari erasaten diote, eta batez ere arnasketa gaixotasun kronikoak dituzten gaixoei. Aire-girotua sortzen duen haizea "aire bideentzako sumingarri bat da eta asma bronkialaren antzeko koadroa eragin dezake".

Concha Prados pneumologoaren esanetan, aire-girotuak eragiten dituen tenperaturen desberdintasun handiak "laringitis edo faringitisa bezalako arnasketa gaixotasunak gora egitea eragiten du".

Elkartearen esanetan, beroaldia hasten den bakoitzean tresna hauen iragazkiak garbitzea garrantzitsua da, "legionella eta aspergillus bezalako bakteriak edo onddoak pilatu ditzaketelako barnealdean".

Kontsumitzaileen Elkarte Orokorrak (ASGECO) dioenez, aire-girotua Espainiako elektrizitate kontsumoaren % 11 suposatu dezake. Horregatik tenperatura ideala 25 graduetan kokatzea, iragazkiak garbitzea, aireztatzeko ateak eta leihoak irekitzea saihestea, gelan inor ez dagoenean deskonektatzea eta termostatoa eta pizte eta itzaltze automatikoa erabiltzea gomendatzen du.