Gizartea

Rafael Bengoa, Osasun sailburuak adierazi du, erretzearen debekuak langileak dituzten txokoei edota elkarte gisa erregistratutakoei eragingo diela, eta beraz, lagun arteko txokoetan erre daitekeela.

Bengoak argitu du, Jaurlaritzak txokoen artean "bi kategoria" bereizten dituela, "elkarteen legeari lotutakoak" eta "txikiagoak direnak, lagun artekoak, elkarte bezala erregistratu gabekoak, langilerik ez dutenak, erretzaile pasiboaren arriskurik ez dutenak".

Hala, osasun sailburuak azpimarratu du lagun arteko txoko horietan erre daitekeela.

Joan den otsailaren 3an onartu zen tabakoaren kontrako legea EAEn. Lege horretan ez da elkarte gastronomikoen inguruko aipamen berezirik egiten, eremu pribatua izaki barne araudi bat jarraitzen dutelako.