Gizartea

Munduko sukaldaririk onenak bilduko dira gaurtik eta ostegunera bitartean, Gasteizen. Autore-Sukaldaritzaren Kongresuak gaur eskainiko du ekitaldirik garrantzitsuena; izan ere, Michelin izar gehien dituen Rene Redzepi sukaldari daniarrak hitzaldia eskainiko du. Ama Zuriaren plazan garatuko da, batik bat, kongresua eta, bertan, 5.000 pintxo, 4.000 paella ano eta milaka postre erakutsiko dituzte. Hori guztia, txakolinarekin eta Errioxako ardoekin eskainiko dituzte.

Rene Red Zepik 31 urte eta bi Michelin gidako izar ditu. Sukaldari daniarrak sukaldaritza ekologikoaren alde apustu egin du; hau da, bere filosofiaren arabera, janaria norkberak jasotako elikagaiekin prestatu behar da. Michelin izarra gehien dituen sukaldariak gaur arratsaldean hitzaldia eskainiko du.

Gaur gauerako, berriz, 14 izarren afaria prestatu dute antolatzaileek. Ekitaldian, besteak beste, Martín Berasateguik eta Pedro Subijanak parte hartuko dute. Guztira, 14 mitxelin izar elkarrekin sukaldean aritzea lortu dute.

Berriki hil den Santi Santamariari ere omenaldia egingo diote. Aspaldiko partez gainera, 30 urtez azpiko sukaldarien Espainiako Txapelketa egingo dute berriro. Ekimen horri esker ezagutu genituen Sergi Arola eta David de Jorge, besteak beste.

Atzo, Zilarrezko Txanoa eman zioten Karlos Arguiñanori, sukaldaritza etxe guztietara eramateko egindako lanagatik.