Gizartea

Britainia Handiko Restaurant aldizkariak urtero egiten duen jatetxerik onenen zerrendan hirugarren postua eskuratu zuen Andoni Luis Adurizen Mugaritz jatetxeak. Danimarkako Noma eta Kataluniako El Celler de Can Roca jatetxeek soilik gainditu dute zerrendan.

Horren harira, aldizkariaren zerrenda ospetsua "zirkoa, muntaia eta iruzurra" dela esan du Martin Berasategik, goi-mailako euskal sukaldaritzan polemika piztuz.

Adurizentzat, ordea, gida fidagarria da, eta Martinen haserrea lortutako emaitza eskasari lotuta egon daitekeela adierazi du.

Berasategik azaldu duenez, aurreko urteetan bezala, zerrenda osatzeko boto emateko eskatu zioten eta berak jatetxeak bisitatu gabe ez zuela iritzirik emango esan omen zuen.