Gizartea

80 urteko gizon bat erreta hil da larunbat arratsaldean Bilbon izandako sute batean, Herrizaingo Sailak jakitera emandakoaren arabera.

Hipotesien arabera, sua zigarro batek piztu du eta biktima etzanda zegoen koltxoia erre du.

Gertaera Ugarte Doktorearen kaleko eraikin batean izan da. Biktimaren senide batek abisua eman du 17:00ak aldera kea ikusi eta berehala. Suhiltzaileak eta Ertzaintzaren patruila bat sutearen lekura joan dira

Kea arnastu du

Etxebizitzan hildakoa aurkitu dute, 80 urteko gizonezkoa, ohe baten gainean. Hilotza auzitegiko institutu anatomikora eraman dute.

Ertzaintzaren arabera, litekeena da gizona kea arnasteagatik hil eta ondoren suak gorputza erre izana.

Sute izan arren, ez dute eraikina hustu behar izan.