Gizartea

Europako Espazio Agentziaren (ESA) arabera, Mars Express misioak Marteren lurrazala ozeano batek estali zuela erakusten dituen frogak lortu ditu. Konfirmatuko balitz, zientzialarien artean betidanik eztabaida luzea eragin duen eztabaidetako bat bukatutzat emango litzateke.

2005ean planeta gorrira heldu zenetik Marsis zundak jaso dituen datuetan oinarritu da ikerketa. Datu horiei esker, ipar hemisferioko lautadak dentsitate baxuko gaiez estalita daudela baieztatu dute adituek. Jeremie Mouginot Grenobleko Planeten Astronomia eta Astrofisika Institutuko kideak ESAren komunikatuan jakitera eman duenez, gai horiek metaketa sedimentarioak ematen dituzte, “antzina bertan ozeano bat egon zela erakusten duten zantzu argia”.

Zientzialariek aspaldi zuten kontuan Marte ozeano batez estalirik egotearen hipotesia, baina ikerketa horrek ia guztiz konfirmatzen du hipotesi hori.

Dena den, ozeano hori denbora gutxiz existitu zela uste dute ikerlariek, beraz, oraingoz, ezinezkoa ikusten dute ozeano horri esker bizia garatu zela ustea. Bizitzaren garapenaren inguruko frogak lortzeko, garai zaharragoetan ikertu behar dela uste dute zientzialariek.

Galdera berriak

Ikerketa horrek inflexio puntu berria sortu dute ikerketan, Mars Expressak orain arte bidalitako datuak irudi edota mineralen informazioetatik eratorritakoak baitziren, baina radar horrek inoiz ez dizkio esquían hain gertuko erreferentziak.

Galdera zaharrei erantzuna eman dien heinean, ikerketa horrek galdera berriak sorrarazi ditu zientzia arloan, inork ez baitaki non dagoen Marteko ozeanoa osatu zuen ur hori. Hori dela eta, sateliteak ikertzeari jarraituko dio.